Visita á exposición de Peter Lindbergh

O alumnado de bacharelato de debuxo artístico do IES Afonso X O Sabio, acompañado das profesoras de historia da arte e debuxo Estefanía Fernández e Marta Moreira, tivo a oportunidade de acudir onte á exposición de Peter Lindbergh, onde recibiron unhas explicacións de compoñentes do grupo Arte-Facto do departamento de didáctica da Expresión Plástica da UDC. Esta vai ser unha das actividades previstas nos próximos dous meses que se van realizar dentro dunha colaboración entre a UDC e o noso instituto ao redor da obra deste eminente fotógrafo.

Aquí a noticia en La Voz de Galicia

Charla co pintor Jano Muñoz

 A pesar de que as actividades complementarias e extraescolares este ano van a estar moi limitadas, debido á pandemia que estamos sufrindo, o pasado mércores 4 de novembro tivo lugar, no salón de actos do noso instituto, unha actividade organizada polo departamento de Debuxo para o alumnado de Debuxo artístico de bacharelato. A actividade consistiu nunha presentación do pintor Jano Muñoz sobre a súa obra, quen ofreceu consellos ao alumnado alí presente.

Agradecemos enormemente ao departamento a organización da actividade, pero sobre todo á predisposición de Jano Muñoz por vir a visitarnos, esperando que sexan moitas máis veces e en mellores circunstancias.

Artigo en La Opinión de A Coruña

Artigo en El noticiero de Arteixo

Artigo publicado en La Voz de Galicia en prensa escrita

Retratos Solidarios

O departamento de Debuxo do IES Afonso X O Sabio e o Concello de Cambre están colaborando no Proxecto "Retratos Solidarios".

Con esta iniciativa búscase animar ao alumnado a facer debuxos para as persoas maiores de 65 anos do municipio que viven sós ou soas.

A través desta proposta, Lara e Sofía, retratista e retratada, puideron coñecerse telefonicamente.

Unha vez remate esta situación, o obxectivo é levar a cabo unha exposición coas obras que servirá, así mesmo, para que os mozos e mozas e as persoas maiores participantes neste proxecto poidan coñecerse.

Para máis información, botádelle un ollo á historia completa neste artigo de La Voz de Galicia. 

Exposición do concurso de fotografía Xurxo Lobato 2019

Comezamos as actividades do curso 2019-2020 mostrando unha pequena exposición no hall do noso centro do Concurso de fotografía Xurxo Lobato 2019 organizado polo IES Monelos.

Temos que felicitar a todos os premiados e premiadas, pero especialmente aos nosos alumnos Douglas Bolívar (2º premio) e Mirko Vigna (accésit).

Moitas grazas ao departamento de Debuxo por conseguir estes resultados e por facilitar a exposición.

Entroido no IES Afonso X O Sabio

Como cada ano, o día do Entroido é unha festa no IES Afonso X O Sabio, nós celebramos a xornada dun xeito moi festivo realizando diferentes actividades: concurso de doces, actividades físico-deportivas, bailes e, sobre todo... O CONCURSO DE COMPARSAS. Este ano o concurso foi un auténtico EXITAZO, con moitísima participación na ESO e o alumnado atentísimo por veren os traballos dos compañeiros e das compañeiras.

As comparsas caracterizáronse polos bailes, coidadas dramaturxias e audios secuenciados. O xurado tivo moi difícil o reparto de premios. Houbo moitas mencións e incluso rei (Daniel Freitez, de 2ºPMAR) e raíña (Raquel, titora de 4ºB, unha super titora entregada co traballo do seu alumnado); pero houbo un 1º premio do primeiro ciclo da ESO a 2ºA-PMAR (cun traballo no que aunaron dramaturxia, integración, coreografía, marabillosos disfraces e moito humor) e o 1º premio do segundo ciclo da ESO a 4ºB, cun traballo estupendo con altísima participación e implicación por parte de todo o alumnado. O premio especial deste ano foi a parar a 1ºBACH B, que fixeron toda unha representación dunha gala de OT no que houbo bailes, playbacks, improvisacións teatrais e un largo etcétera que nos mantiveron pegados a súa actuación.

Desde aquí felicitar  a TODO o alumnado pola súa gran participación, foi unha festa preciosa.

Aquí adxuntamos algunhas das fotos do concurso de comparsas, así como algúns vídeos das representacións. Tamén queremos adxuntar imaxes do concurso de doces de Entroido organizado pola ANPA Castelao en colaboración co Equipo de Normalización Lingüística. Xa se repartiron os premios a modo de diploma, inda que os premios físicos entregaránse ao alumnado á volta do Entroido. Por outra banda, o Equipo de Normalización Lingüística e o departamento de Debuxo tamén organizou un concurso de cartaces de Entroido, o fallo deste certame tamén se dará á volta das vacacións.

Moitas grazas por tan alta participación e tamén á ANPA, quen un ano mais repartiu lambetadas de Entroido para todo o alumnado do centro e, unha vez mais, tivemos un día de unión de toda a nosa Comunidade Educativa.

Imaes do concurso de comparsas:

Algúns vídeos do concurso de comparsas (temos outros, pero que temos que cortar para podelos subir, a que son moi largos):

Imaxes do Certame de Cartaces de Entroido organizado polo ENL e o departamento de Debuxo:

Imaxes do Certame de doces de Entroido organizado polo ANPA Castelao e o ENL:

Noraboa e grazas a todos os colaboradores: o departamento de Educación Física, o Equipo de Normalización Lingüística, o departamento de Debuxo, o departamento de Música (na posta a punto do son e todo o equipo técnico) e, por suposto, a inestimable axuda dos titores e as titoras que ensairon e axudaron ao alumnado, así como docentes incontables que permiten que todo isto saia adiante cada ano; ao ANPA Castelao, que participa sempre moitísimo e fai que sexa unha alegría organizar o evento e.. A TODA A NOSA COMUNIDADE EDUCATIVA.

Abril Ilustrado

Durante o pasado mes de abril as profesoras de Debuxo do IES Afonso X O Sabio estiveron facendo, en colaboración co concello de Cambre, unha serie de interesantísimos obradoiros sobre banda deseñada con profesionais ilustradores.
A esta actividade acudiu todo o alumnado de 3ºESO  e 1ºBacharelato da materia de debuxo artístico. Desde aquí agradecer o traballo das profesoras, o interese do alumnado e a fantástica colaboración co Concello, que permite que cada ano o alumnado poida pasalo ben e aprender nestes obradoiros.

Actividades dos últimos días de antes de Nadal

Os días antes de finalizar o trimestre tivemos unhas xornadas moi intensas.

Por unha banda, o departamento de Bioloxía e Xeoloxía organizaou a súa primeira excursión o día 19 de decembro para o alumnado de 3ºESO, con quenes fixeron un roteiro por Oleiros. Estas excursións repetiranse ao longo de xaneiro co resto de alumnado de 3ºESO.

O martes día 20, parte do noso alumnado acudiu a unha xornada de intercentros co IES David Buján, dentro do Programa Deportivo do Centro, organizada polo departamento de Educación Física. Ao comezo da mañá o departamento de Lingua Castelá, en colaboración co departamento de Latín, organizou unha actividade de teatro moi divertida, Ahora mis mitos coa cal o alumnado de 3ºESO de cultura clásica e o alumnado de 1ºBACH de Literatura Universal puido disfrutar cunha peza de teatro á vez que aprendían sobre mitoloxía clásica.
Ao mesmo tempo, houbo unha actividade organizada polo departamento de Debuxo, dentro do programa de Fotografía en curso, e outra actividade no centro entorno aos Xogos Populares, organizada en colaboración polos departamentos de Educación Física e Lingua Galega.

O último día de clase, o día 21 de decembro, foi como de costume unha xornada festiva. Entramos algo máis tarde e organizaronse para o alumnado unha serie de actividades: proxectouse un corto por parte do Equipo de Normalización Lingüística, posteriormente o Equipo da Biblioteca proxectou unha película na Biblioteca do noso centro. Paralelamente o departamento de Educación Física organizou actividades deportivas mentres que o alumnado tamén interpretou unha serie de pezas nun concerto organizado polo departamento de Música. Os departamentos de Inglés e Orientación colaboraron organizando un Karaoke, así como o departamento de Debuxo, quen seguiu traballando co alumnado do proxecto de Fotografía en Curso. O departamento de Física e Química, en colaboración co de Administración, organizou unha actividade de Xadrez.
Finalmente acabamos todos bailando co DiscoAfonso, xusto antes de que os e as titoras nos entregasen as notas.

Mentres tanto, a ANPA Castelao organizou un reparto de doces de Nadal entre a nosa comunidade educativa. Desde aquí queremos agradecer a axuda e a colaboración que mantemos sempre cos pais e nais da ANPA do noso instituto para organizar estas xornadas festivas e animamos a todos os pais e nais que se sumen a colaborar coa ANPA do centro.

Feliz Nadal a toda a comunidade do Afonso X O Sabio!

Actividade do departamento de Debuxo. NIN 9.

Os pasados luns e martes tivemos a oportunidade de disfrutar dun obradoiro de grafiti en colaboración co Museo de Arte Contemporáneo da Coruña (MAC). Así pois, os rapaces e rapazas dos grupos 1ºESO A e 1ºESO B tiveron a oportunidade de debuxar, recortar e crear unhas maquetas coas que posteriormente decoraron esta parede: