Celebración da fin de curso no IES Afonso X O Sabio

Onte tiveron lugar os festexos para clausurar o curso escolar. Este curso, como cada ano, o alumnado puido disfrutar de actividades deportivas, así como de elaborar o tradicional ramo de San Xoán organizado polo ENL pero tamén puideron verse actuacións musicais realizadas polos distintos grupos de música do centro e polo obradoiro de pandeireta pero, sobre todo, acabamos o día cunha actuación moi especial. Repetimos novamente a canción dos Cacharros, esta vez interpretada por todo o alumnado do centro. ¡Noraboa!

Para rematar a xornada, tivo lugar a graduación do alumnado de 4ºESO e FPB, a quenes despedimos con moito cariño.

IV Encontro de coros escolares do IES Afonso X O Sabio

O pasado día 15 de febreiro tivo lugar, no CMUS de A Coruña, o IV Encontro de coros escolares do IES Afonso X O Sabio. Nesta ocasión participaron coros dos IES Salvador de Madariaga (A Coruña), IES As Telleiras (Narón), IES María Casares (Oleiros), IES de Ortigueira e o coro escolar do IES Afonso X O Sabio. Cartel do concerto O concerto supuxo a interpretación de distintas propostas artísticas nas que se mesturaron a literatura, a coreografía e a música. O coro do noso instituto interpretou unha versión de Cesteiros de Rodrigo Cuevas e o Siyahamba. Acceso ao vídeo. Finalmente, todos os coros subiron ao escenario para interpretar Singing all together, canción ensinada no momento para celebrar a confraternidade e a creación colectiva. Desde aquí agradecer a participación de todos os coros e a labor dos seus directores, pero tamén dar as grazas á colaboración do CMUS da Coruña, que ano tras ano nos abre as súas portas para acollernos e fainos sentir moi profesionais.

Celebración do VIII Centenario do nacemento do rei Afonso X O Sabio

O noso instituto está a conmemorar a celebración do nacemento do rei Afonso X O Sabio (nada menos que o seu oitavo centenario) e para facelo realizáronse unha serie de actividades. Por unha banda, durante o terceiro trimestre do curso 2020-21, o departamento de Xeografía e Historia desenvolveu un proxecto específico sobre a do rei, levado a cabo pola profesora Isabel González, dentro do proxecto Afonso Reporteiros e que recibiu o terceiro premio na "XIII Edición dos Premios Educacompostela de recursos didácticos en prol da innovación, da calidade educativa e da renovación pedagóxica". En decembro do 2021, realizouse unha exposición organizada polo departamento de Xeografía e Historia e Vicedirección que reunía algúns aspectos da vida e obra do rei sabio. Ademais, desde o departamento de música promoveuse a interpretación e gravación dalgunhas cantigas de Afonso X O Sabio, como a Cantiga 302: e a Cantiga 119: nestas gravacións participaron alumnado do coro escolar, de artes escénicas e danza de 4ºESO e de Historia da Música e da Danza de 2ºBACH. O resumo do proxecto vese reflectido neste artigo do periódico de La Opinión de A Coruña

Concerto do coro

O coro do IES Afonso X O Sabio, formado por alumnado de 1º, 2º e 3ºESO e participante no proxecto MUSICVIBE, participou no concerto de coros escolares do IES María Casares de Oleiros, que tivo lugar o 20 de decembro pola mañá no auditorio da Fábrica (Oleiros). Neste concerto participaron estudantes dos institutos IES Neira Vilas, IES María Casares (ambos de Oleiros), IES Afonso X O Sabio (Cambre) e IES Arcebispo Xelmírez I (Santiago de Compostela) e rematou cunha interpretación grupal de todos os asistentes dunha canción que se montou en vivo. Moitas grazas á organizadora do concerto, ás directoras dos coros participantes e a todo o alumnado, que traballou con moita ilusión para preparalo. Artigo no periódico La Opinión de A Coruña

Cantiga 302: A madre de Jesú-Cristo que é Sennor de nobrezas

O pasado día 9 de novembro unha parte do coro do IES Afonso X O Sabio gravou a cantiga 302 de Afonso X O Sabio na Igrexa Santa María de Cambre, acompañados polo guitarrista Santi Cañás e cos solistas Lucas Uriz, Raquel Cernadas e Ariana Asorey. A gravación ten por obxectivo celebrar o VIII centenario do nacemento do rei Afonso X O Sabio.

Celebración da graduación de 2ºBACH e 2ºFPB

 O día 11 de xuño por fin celebramos o acto de graduación do noso instituto. Foi un acto moi emotivo e diferente, xa que nesta ocasión participaron exclusivamente os grandes protagonistas: o alumnado e o profesorado.

Nesta ocasión houbo dous discursos de estudantes lidos por Nerea Tomé e Nerea Carballeira e por Sergio Moya. Tamén contamos coa asistencia do concelleiro de Educación Miguel Ángel Gutiérrez, representantes do ANPA Castelao e, por suposto, da nosa Directora Belén Vidal Marcote.

Houbo tamén actuacións musicais; por unha parte, o grupo de música de 2ºBACH, do grupo de canto coral de 2ºESO e tamén unha canción interpretada por Claudia López e Carla Quintián.

Finalmente, repartimos os diplomas e as orlas.

O evento foi gravado por cámaras profesionais e, en canto teñamos o vídeo, subirémolo para ser compartido por toda a nosa comunidade educativa. 

Ao finalizar o evento fixéronnos fotos no exterior, que foron publicadas en La Voz de Galicia.

Celebración do XVI Certamen literario

Como cada curso escolar o departamento de Lingua castelá e literatura convocou o XVI Certamen literario  "Sea breve, por favor" para celebrar o Día do libro.

Como resultado, déronse dous premios por ciclo e realizouse unha bonita entrega de premios, á cal baixaron dúas clases como ointes, os premiados e os participantes na cerimonia.

A cerimonia consistiu nun pequeno concerto do coro do IES Afonso X O Sabio e no visionado de varias curtametraxes, como esta feita por alumnado de 4ºESO de Artes escénicas.

Desde aquí moitas grazas ao departamento de Lingua castelá por organizar o evento e ao de Música por colaborar na entrega de premios.

Festa final do proxecto 21 DÍAS EN GALEGO... E MÁIS

O pasado luns, día 3 de febreiro, celebramos a festa final dos 21 días en Galego e máis, e tivemos a sorte de ter de invitados á Coordinadora do programa, ao Secretario Xeral de Política Lingüística e ao Director de Educación, FP e Innovación Educativa.

A nosa celebración consistiu en dúas fases: por unha banda fixemos un acto protocolario, enmarcando con dúas actuacións musicais organizadas polo departamento de Galego e de Música, de benvida e peche, coa colaboración do alumnado do ENL e do Coro do centro e para rematar un concerto de Uxía, que cantou con todo o alumnado da ESO do noso centro.

A noticia foi moi seguida nos medios de comunicación, aparecendo no informativo territorial de TVE1
Aquí temos un vídeo de todo o noso alumnado da ESO cantando con Uxía Senlle.
E velaquí unha mostra do traballo realizado. Aquí podemos seguir todas as actividades realizadas no blog do Equipo de Normalización de Lingua Galega.

Moitas grazas por tanto traballo e tan ben feito.

Crítica do I Encontro de coros escolares do IES Afonso X O Sabio

Onte, día 19 de febreiro, tivo lugar o I Encontro de coros escolares do IES Afonso X O Sabio, no centro Ágora (A Coruña). Para este evento, xuntáronse 200 estudantes dos coros dos institutos de IES Salvador de Madariaga (A Coruña), IES A Sardiñeira (A Coruña), IES Afonso X O Sabio (Cambre), IES Sofía Casanova (Ferrol), IES de Ortigueira (Ortigueira) e IES Antón Losada Diéguez (A Estrada). A actividade está realizada dentro do marco do proxecto Afonso a escena, co cal pretendemos favorecer a práctica das artes escénicas e mellorar a excelencia do noso alumnado a través dela.

Os coros escolares son actividades voluntarias que fan algúns docentes de música no seu tempo libre para poder desenvolver prácticas artísticas grupais, toda vez que fan que o alumnado adolescente teña unha relación máis sana co seu corpo e se favoreza o diálogo e a comunicación entre as persoas e se mellore a convivencia dos centros nos que se leva a cabo.

Os coros dos que disfrutamos onte son actividades abertas a todo o alumnado do seu centro, son inclusivos e participativos, xuntando estudantes e docentes e fomentando outro tipo de relacións cos centros que os desenvolven. En Galicia temos algúns dos mellores coros escolares de España e o concerto de onte, realizado grazas á colaboración do Concello da Coruña, do IES Salvador de Madariaga, do IES Afonso X O Sabio e do Centro Ágora, foi unha mostra do mesmo.

O Concerto rematou cunha peza dirixida polo director de coros José Antonio García Mato, a peza escollida foi un pequeno canon renacentista de Melchior Franck (ca. 1580-1639), chamada orixinalmente Da pacem domine, pero que neste caso fixo que todos os asistentes cantasen Sine musica nulla vita, frase atribuida a Nietzsche.

Cartel do concerto, realizado por Yupiyeyo

Coro do IES de Ortigueira. Director José Antonio García Mato:

Coro do IES Antón Losada Diéguez,. Directora Consuelo Millán:

Coro do IES Afonso X O Sabio. Director Rosa Rodríguez Rivas:

Coro do IES Salvador de Madariaga. Directora Irene Caeiro:

Coro do IES A Sardiñeira. Director Francisco Jordá:

Coro do IES Sofía Casanova. Directora Almudena Armada:

Todos xuntos montando a peza común. Director José Antonio García Mato do proxecto vocal Concerto Tempo:

E aquí unha mostra da canción final montada xusto no concerto, con público diante e cun ensaio duns poucos minutos... porque para o noso alumnado sen música non hai vida que mereza a pena ser vivida!!!

I Encontro de Coros Escolares do IES Afonso X O Sabio

Desde o noso instituto estamos moi contentos de compartir, con toda a nosa comunidade educativa, que estamos organizado un concerto de coros escolares para o próximo día 19 de febreiro no Ágora, no que participará o alumnado do noso coro e outros cinco centros máis da contorna.

O concerto terá lugar ás 11 30 e estades todos e todas invitados...cunha sorpresa ao final.
Anuncio en La opinión de A Coruña

Fin de festa no Afonso X O Sabio

Un ano máis, o IES Afonso X O Sabio acaba o primeiro trimestre cunha boa festa de Nadal. Neste caso tivemos as seguintes actividades para todo o noso alumnado:

Por unha parte, o profesorado de educación física organizou diversas competicións deportivas; o grupo da Biblioteca organizou a proxección da película Campeones, que tivo unha gran acollida entre o noso alumnado; o departamento de inglés e lingua galega, mantivo o tradicional Galeoke, todo un éxito de público e crítica entre os e as estudantes de todos os niveis; ademais, alumnado de todos os cursos participou no festival de música e baile organizado polo departamento de Música, no que participaron estudantes de grupos completos de 2º, 3º, 4º ESO e 1º e 2º de Bacharelato, ademais do fabuloso Coro do IES Afonso X O Sabio. Por último, o departamento de bioloxía, a través da materia de Anatomía Aplicada, repartiu comida saudabre feita polo propio alumnado.

Ademais, a ANPA Castelao repartiu sorrisos e MOITOS doces de Nadal, ASÍ QUE FOI UN AUTÉNTICO PLACER PARA TODOS OS SENTIDOS.

Finalmente, antes do reparto de notas, bailamos todos xuntos co Discoafonso, no que sempre contamos cos distintos DJ que están entre o noso alumnado.
Moitas grazas a toda a nosa comunidade educativa e BO NADAL.

Concerto para pais e nais

Hoxe, penúltimo día de clase, tivemos un CONCIERTAZO no que participaron máis de 350 rapaces e rapazas do noso centro.

Este evento realizouse fóra do horario escolar, pola tarde, para que puidesen asistir toda a nosa comunidade educativa, xa que estamos moi orgullosas do traballo realizado polas nosas clases.

O concerto comezou coa actuación do noso coro, que interpretaron catro cancións, nas que destacou Gabriel Robledo como solista na canción Meu amor estoupa.

Posteriormente actuaron grupos de 2º ESO, 3ºESO, 4º ESO e 1ºBach. Os de 2º de bacharelato, esta vez, estaban xa de vacacións...

O evento tivo un amplo seguimento nos medios de comunicación, inda que nalgún caso só en prensa escrita.

La Opinión de A Coruña.

Participación do alumnado no IV Encontro de coros escolares de Galicia

Hoxe pola mañá, o alumnado do noso coro participou no IV Encontro de coros escolares que tivo lugar en Ortigueira.

Para o evento, preparamos tres cancións para facer de xeito individual, acompañados polo noso pianista Diego Martínez Bello, e logo ensaiamos dúas cancións para facer co coro do IES de Ortigueira: Banaha e Engine engine. Cada unha delas realizada cun director diferente.

Así o noso alumnado tivo o privilexio de actuar, nun concerto aberto a todo o concello de Ortigueira, no Teatro de la Beneficiencia, precioso espazo construido a finais do século XIX, ademais de volver a traballar con José Antonio García Mato e de facer amigos e amigas novos... xa quedamos para que veñan estes estudantes ao noso concello para o próximo ano!!!


Aquí imaxes dos nosos e as nosas coralistas ensaiando nada máis chegar ao teatro:

Despois xuntámonos ao coro do IES de Ortigueira e comezamos a traballar con José Antonio García Mato:

Finalmente traballamos con Beatriz Alonso a última das pezas que se facían no concerto:

Un saúdo e iremos subindo os vídeos no canle de vídeos do departamento de música do instituto.

Xornada de transición do alumnado de primaria ao instituto

Onte tivemos a Xornada de Transición do alumnado de 6º Primaria dos CEIP Wenceslao Fernández Flórez, Graxal e Portofaro ao noso instituto, o que será o seu lugar de estudo os próximos anos.

A xornada tivo de todo, actuacións musicais, obradoiros e todo o alumnado recorreu o instituto guiados por alumnado axudante e mediador do IES Afonso X O Sabio, quenes participaron moi activamente durante todo o día.

Para rematar, tivemos unha actuación conxunta de todo este alumnado co coro do IES Afonso X o Sabio, e, sobre todo, coa banda de Magín Blanco, xa que gravamos todos xuntos a canción Meu amor estoupa, de Magín Blanco, dirixidos polo director de coros Ramón Bermejo.

Foi unha experiencia inolvidable e á que apoiaron técnicos de son e de vídeo. Esperamos expoñer pronto o vídeo que se está a facer con esta gravación.

Moitas grazas a toda a comunidade educativa, ao equipo de Orientación do IES Afonso X O Sabio, ás persoas titoras dos CEIP adscritos, pero especialmente a todas as mestras que apoiaron ensaiando, ao Equipo de Normalización Lingüística e tamén a todos os que colaboraron na gravación.

Artigo en La Opinión de La Coruña
Artigo en La Voz de Galicia