Visita ao Parlamento

O Departamento de Administración do IES Afonso X O Sabio organizou unha visita ao Parlamento de Galicia para os alumnos de 1º curso do Ciclo Superior de Administración e Finanzas. Esta visita permitiu ao alumnado ampliar as unidades didácticas relacionadas coa temática, correspondentes ao módulo de “Xestión da Documentación”. Mediante a visita guiada amplían a información tanto a nivel cultural coma no referido á parte estudada na aula. O día no que fixemos a visita, os parlamentarios estaban a debater as emendas aos Presupostos Xerais da Comunidade de Galicia. No momento de entrar ao hemiciclo, acababa de empezar a súa intervención a portavoz do grupo parlamentario do BNG (Ana Pontón), que vimos completa. Despois puidemos ver o comezo da intervención do parlamentario do PP (Pedro Puy). A continuación tiveron lugar as votacións aos presupostos, nas que non estivemos presentes.

Obradoiro entrevista de traballo

A FUNDACIÓN RONSEL é unha entidade benéfico-docente que nace no ano 2000 coa finalidade de facilitar a empregabilidade. Traballan catro áreas funcionais: • Orientación laboral. • Intermediación. • Formación ocupacional. • Asesoramento para a creación de empresas-autoemprego. Dentro da súa actividade docente realizan talleres de formación nos centros educativos, dirixidos ao alumnado de FP, na área de emprego e emprendemento. O día 11 de xaneiro, visitou o noso centro Alba, para impartir un taller de “ENTREVISTA DE TRABALLO” aos nosos alumnos de ciclo medio de Xestión Administrativa. ALBA realizou simulacións de entrevista de traballo con alumnos dos grupos: • 1CMXA (1º Ciclo Medio de Xestión Administrativa) • 2CMXA (2º Ciclo Superior de Administración e Finanzas) Previamente puxo en coñecemento do noso alumnado o funcionamento da Fundación Ronsel, e explicou todo o proceso do ciclo de selección de persoal, incidindo maiormente nos tipos de entrevista e as súas fases.

Despois da realización das dinámicas, fixo observacións ao alumnado participante sobre o desenvolvemento da entrevista (respostas dadas, linguaxe verbal, xestual, os tipos de preguntas (verificación, reto...), para que o teñan en conta no seu futuro profesional.

Actividade para fomentar o voluntario europeo, dentro do marco dos programas Erasmus+

Desde a Deputación da A Coruña ofrecéronnos a posibilidade de recibir formación sobre a participación no programa de voluntariado de Erasmus+ Os conferenciantes pertencen a INGALICIA, asociación cultural que nace oficialmente no ano 2007 para favorecer a integración comunitaria e fomentar o coñecemento da cultura europea nos moz@s. Promoven diferentes actividades e proxectos, principalmente no ámbito de programas europeos como Erasmus+ • Servizo voluntario europeo: o Intercambios xuvenís. o Iniciativas xuvenís nacionais. o Mobilidade de traballadores xuvenís. o Prácticas.

Explicaron como acceder á busca de información en distintas webs sobre as posibilidades de participación en programas europeos: portal europeo de la juventud, injuve, eurodesk.

Fixeron unha presentación dunha iniciativa que nace da promoción das súas actividades chamada: “La primera escuela política para mujeres jóvenes” Realizaron unha dinámica cos alumnos co fin de obter iniciativas como a presentada no exemplo.

Explicaron a iniciativa de cada un dos catro grupos participantes na dinámica

Como ser emprendedor sen vocación aplicando o sentido común

O pasado día 27 de outubro, co obxectivo de reforzar os contidos dos módulos Empresa na Aula e Simulación empresarial que nesta primeira evaluación abordan o tema do emprendimento como saída profesional viable, tipo lugar a charla "Como ser emprendedor sen vocación aplicando o sentido común", para alumnado de 2º de GM de Xestión Administrativa e 2ºGS de Administración e finanzas, impartida por Alejandro José Fontán Taracido, xerente de MUNDOCIO e AVENTURA MUNDOCIO. Este ponente, empresario con máis de 12 anos de experiencia no mundo do ocio dedicado a dinamizar eventos de ocio presentou un testimonio de primeira man, explicándolles ao alumnado todo o proceso de iniciar un negocio, dificultades, trabas burocráticas, motivacións, elección da forma xurídica da SL e separación de bens coa sua esposa (funcionaria) para evitar comprometer o seu patrimonio familiar co negocio. Reforzou co seu discurso o que é a idea de negocio, o perfil do emprendedor, as vantaxes e inconvenientes de emprender, explicando como obtivo financiamento vía subvencións, recursos familiares e préstamos de entidades financieiras, así como os motivos para a elección da ubicación do seu negocio, pormenorizando como fixa os prezos para poder ser competitivo pero ao mesmo tempo ético cos seus empregados, demostrando o seu amplo coñecemento da sua competencia directa. A actividade foi amena, distendida e directa e o alumnado participou facendo preguntas de todo tipo, que foron respondidas con moita franqueza.

Visita a Pull&Bear

O pasado día 11 de outubro, os docentes dos ciclos de Administración e Finanzas desenvolveron unha actividade para o seu alumnado. Os e as estudantes de 2º curso de Ciclo Medio e o de Ciclo Superior acudiron ás instalacións de Pull&Bear de Narón para realizar unha interesante visita guiada.

Visita ao Parlamento de Galicia

O pasado 9 de outubro, o alumnado de 1º curso do Ciclo Medio e o alumnado de 1º curso do Ciclo Superior, tiveron a oportunidade de realizar unha visita guiada polas instalacións do Parlamento de Galicia.

Visita a Pull&Bear

O departamento de Administración organizou unha actividade moi interesante para os ciclos de Grao Medio e Superior de Administración e Finanzas

Resumo da actividade e resultados.

Obradoiro de busca de emprego para o alumnado de FP do noso centro

O venres día 16 de novembro desenvolveuse esta interesante actividade por parte do departamento de Administrativo. O obradoiro correu a cargo de dúas traballadoras do Concello:

• Beatríz Castro Pico, Axente de emprego e desenvolvemento local do Concello de Cambre. 
• Ana Varela Orjales, Orientadora laboral do Concello de Cambre.

Tras o obradoiro, o propio departamento realizou unhas enquisas para valorar a actividade realizada, tras a cal chegamos ás seguintes conclusións:
Tendo en conta os datos obtidos na enquisa, concluimos que a actividade tivo unha acollida aceptable entre os asistentes (promedio xeral 6,55 e 7), co engadido de que o alumnado preferiría unha actividade máis participativa e dinámica. Por outra banda, tamén suxiren a utilización de máis material audiovisual que a ilustre, así como intentar mellorar aspectos técnicos, como o nivel de ruido que chegaba ao salón de actos durante o obradoiro (probablemente debido a que coincidiría con alumnado no hall ou nos patios debido a recreos e a actividades de Educación Física)

Artigo en La Voz de Galicia

Visita a Pull&Bear

O pasado venres día 10 de novembro o departamento de administrativo organizou unha visita a Pull&Bear para o alumnado de ciclos.

Deixamos aquí a información e un pequeno resumo do acontecido. Moitas grazas ao departamento por organizar esta actividade.

Presentación