Acto de graduación

O pasado día 12 de maio tivo lugar, no noso instituto, a celebración do acto de despedida do alumnado de 2ºBacharelato. O acto comezou cunha actuación na que participaron o alumnado de música de 2ºBacharelato xunto co coro do IES Afonso X O Sabio, quenes interpretaron as cancións Mamma mía,de Abba Where is my mind de The Pixies e No dudaría, de Antonio Flores. Posteriormente tiveron lugar os discursos da directora do centro, Belén Vidal, e dos delegados de cada clase. Finalmente se repartiron os diplomas.

Celebración da graduación de 2ºBACH e 2ºFPB

 O día 11 de xuño por fin celebramos o acto de graduación do noso instituto. Foi un acto moi emotivo e diferente, xa que nesta ocasión participaron exclusivamente os grandes protagonistas: o alumnado e o profesorado.

Nesta ocasión houbo dous discursos de estudantes lidos por Nerea Tomé e Nerea Carballeira e por Sergio Moya. Tamén contamos coa asistencia do concelleiro de Educación Miguel Ángel Gutiérrez, representantes do ANPA Castelao e, por suposto, da nosa Directora Belén Vidal Marcote.

Houbo tamén actuacións musicais; por unha parte, o grupo de música de 2ºBACH, do grupo de canto coral de 2ºESO e tamén unha canción interpretada por Claudia López e Carla Quintián.

Finalmente, repartimos os diplomas e as orlas.

O evento foi gravado por cámaras profesionais e, en canto teñamos o vídeo, subirémolo para ser compartido por toda a nosa comunidade educativa. 

Ao finalizar o evento fixéronnos fotos no exterior, que foron publicadas en La Voz de Galicia.