Fin de festa no Afonso X O Sabio

Un ano máis, o IES Afonso X O Sabio acaba o primeiro trimestre cunha boa festa de Nadal. Neste caso tivemos as seguintes actividades para todo o noso alumnado:

Por unha parte, o profesorado de educación física organizou diversas competicións deportivas; o grupo da Biblioteca organizou a proxección da película Campeones, que tivo unha gran acollida entre o noso alumnado; o departamento de inglés e lingua galega, mantivo o tradicional Galeoke, todo un éxito de público e crítica entre os e as estudantes de todos os niveis; ademais, alumnado de todos os cursos participou no festival de música e baile organizado polo departamento de Música, no que participaron estudantes de grupos completos de 2º, 3º, 4º ESO e 1º e 2º de Bacharelato, ademais do fabuloso Coro do IES Afonso X O Sabio. Por último, o departamento de bioloxía, a través da materia de Anatomía Aplicada, repartiu comida saudabre feita polo propio alumnado.

Ademais, a ANPA Castelao repartiu sorrisos e MOITOS doces de Nadal, ASÍ QUE FOI UN AUTÉNTICO PLACER PARA TODOS OS SENTIDOS.

Finalmente, antes do reparto de notas, bailamos todos xuntos co Discoafonso, no que sempre contamos cos distintos DJ que están entre o noso alumnado.
Moitas grazas a toda a nosa comunidade educativa e BO NADAL.

Reparto de froita na escola

Como cada ano, o IES Afonso X O Sabio comezou hoxe a repartir a froita na escola, grazas a subvención concedida polo FOGGA.

Hoxe comezamos co reparto, repartindo fresas para os case 900 estudantes que ten o noso centro. A verdade é que estamos moi contentas, xa que en primeiro termo un grupo de estudantes axudou a lavar a froita, a limpar o chan cando se mollaba, a repartir en caixas, etc. Traballamos coma auténticos profesionais. Despois comezamos a repartir a froita entre os mais pequenos, primeiro, para que, durante o recreo, a xente puidese coller libremente nas mesas dispostas para tal fin. Ademais, o alumnado tamén axudou a que os restos de froita fosen ao lixo e, a verdade, todo funcionou moi ben.

Nos próximos días, repartiremos mazás, plátanos, clementinas e nectarinas, así que... a comer moita froita e a disfrutar do rica que está!!

Esta actividade forma parte, como sucede co reparto do Leite, do noso Proxecto Deportivo de Centro, que favorece unha vida máis activa como unha alimentación máis saudabre.

Desde aquí queremos agradecer a todos os docentes que colaboran, sería imposible facelo sen eles... tamén queremos agradecer ao alumnado, por esforzarse tanto en axudar a repartir e a LIMPAR o que ensuciamos cando lavamos e comemos a froita.... e por suposto, ao persoal de limpeza, quenes sabemos que estes días o teñen un pouquiño máis difícil, pero intentaremos compensar.