25 de Novembro no noso instituto

O pasado venres día 23 de novembro os departamentos de Normalización Lingüística e Orientación, en colaboración con outros como o de Relixión, puxeron en  en práctica a xa tradicional distribución de pulseiras con lemas contra a violencia machista coa entusiasta colaboración do alumnado de 4º ESO e 1º Bach, ao que se sumaron o resto dos cursos colaborando na elaboración de carteis, caligramas, colaxes, para concienciarnos da gravidade do problema e do urxente da súa erradicación.

O concello tamén se sumou na distribución de pulseiras, instalando un vinilo no centro do vestíbulo e agasallando pulseiras e camisetas contra a violencia machista. Hai que parala!

Estas actividades sumáronse ás conferencias impartidas polo Xuíz Miguel Ángel Filgueira Bouza

Últimas actividades na aula desde o departamento de Orientación

Nas últimas semanas temos desenvolvido unha serie de actividades desde o departamento de orientación e en colaboración con prácticamente todo o o profesorado do centro, especialmente o profesorado titor dos tres primeiros cursos da ESO e FPB.

O día 16 de novembro, dentro do programa Plan Director para a convivencia e a mellora da seguridade nos centros educativos e os seus contornos, a Garda Civil impartiu unha conferencia dirixida a todo o alumnado de 1ºESO sobre o Uso responsable das redes sociais.

Por outra banda, realizamos unha serie de obradoiros sobre afectividade e sexualidade na adolescencia, dirixidos a 3ºESO  e 1ºFPB (días 16, 20 e 22 de novembro) impartidos polo Servizo Quérote+ da Consellería de Benestar.

Por último, ao longo de todo o mes e en colaboración do Concello de Cambre, realizáronse obradoiros de coeducación dirixidos a 2º ESO, impartidos polo grupo "Osventos Innovación en Servizos"

Conferencia de D. Miguel Ángel Filgueira Bouza, xuiz do xulgado de violencia sobre a muller de A Coruña

Onte, día 20 de novembro, dentro do programa de actividades para concienciar ao noso alumnado sobre a violencia de xénero, tivemos a sorte de poder realizar unha charla co xuiz do xulgado de violencia sobre a muller de A Coruña, D. Miguel Ángel Filgueira Bouza. Á charla asistiron a metade dos e das estudantes de 4ºESO. O próximo martes repetiremos a actividade para o resto de 4ºESO.

Desde aquí queremos agradecer, coma outras veces, a colaboración do xulgado e do xuíz, de cara a concienciación do noso alumnado e da nosa comunidade educativa fronte a esta problemática que sufrimos toda a sociedade.

Artigo en La Opinión de A Coruña

Xornada de transición do alumnado de primaria ao instituto

Onte tivemos a Xornada de Transición do alumnado de 6º Primaria dos CEIP Wenceslao Fernández Flórez, Graxal e Portofaro ao noso instituto, o que será o seu lugar de estudo os próximos anos.

A xornada tivo de todo, actuacións musicais, obradoiros e todo o alumnado recorreu o instituto guiados por alumnado axudante e mediador do IES Afonso X O Sabio, quenes participaron moi activamente durante todo o día.

Para rematar, tivemos unha actuación conxunta de todo este alumnado co coro do IES Afonso X o Sabio, e, sobre todo, coa banda de Magín Blanco, xa que gravamos todos xuntos a canción Meu amor estoupa, de Magín Blanco, dirixidos polo director de coros Ramón Bermejo.

Foi unha experiencia inolvidable e á que apoiaron técnicos de son e de vídeo. Esperamos expoñer pronto o vídeo que se está a facer con esta gravación.

Moitas grazas a toda a comunidade educativa, ao equipo de Orientación do IES Afonso X O Sabio, ás persoas titoras dos CEIP adscritos, pero especialmente a todas as mestras que apoiaron ensaiando, ao Equipo de Normalización Lingüística e tamén a todos os que colaboraron na gravación.

Artigo en La Opinión de La Coruña
Artigo en La Voz de Galicia

A familia fronte ao uso das TIC: dispositivos, Internet e redes sociais

En colaboración coa Asociación de Nais e Pais de alumnos do noso IES (ANPA Castelao) realizouse a actividade dirixida ás familias: A familia fronte ao uso das TIC: dispositivos, Internet e redes sociais

Esta actividade foi impartida por Santiago Legaspi Irimia, técnico do equipo Quérote + da Consellería de Benestar, o luns 23 de abril, de 18:30 a 20:30 horas.

Diante da realidade de que os nosos fillos e fillas demandan cada vez con máis intensidade e interese a dispoñibilidade de dispositivos electrónicos e a súa presenza no mundo virtual. Isto provoca dúbidas como: A que idade compre que dispoñan dun móbil intelixente? E ter redes sociais? Que fan os nosos fillos en Internet? Fan un uso responsable? Estas e outras cuestións abordáronse coa participación de mais de 30 familias nesta actividade, que tivo forma de taller.

Actividade para as familias no noso centro

En colaboración coa Asociación de Nais e Pais de alumnos do noso IES (ANPA Castelao) realizouse a actividade dirixida ás familias: A familia fronte ao uso das TIC: dispositivos, Internet e redes sociais

Esta actividade foi impartida por Santiago Legaspi Irimia, técnico do equipo Quérote + da Consellería de Benestar, o luns, 23  de abril, de 18:30 a 20:30 horas.

Diante da realidade de que os nosos fillos e fillas demandan cada vez con máis intensidade e interese a dispoñibilidade de dispositivos electrónicos e a súa presenza no mundo virtual. Isto provoca dúbidas como: A que idade compre que dispoñan dun móbil intelixente? E ter redes sociais? Que fan os nosos fillos en Internet? Fan un uso responsable? Estas e outras cuestións abordáronse coa participación de mais de 30 familias nesta actividade, que tivo forma de obradoiro.

Actividades dos últimos días de antes de Nadal

Os días antes de finalizar o trimestre tivemos unhas xornadas moi intensas.

Por unha banda, o departamento de Bioloxía e Xeoloxía organizaou a súa primeira excursión o día 19 de decembro para o alumnado de 3ºESO, con quenes fixeron un roteiro por Oleiros. Estas excursións repetiranse ao longo de xaneiro co resto de alumnado de 3ºESO.

O martes día 20, parte do noso alumnado acudiu a unha xornada de intercentros co IES David Buján, dentro do Programa Deportivo do Centro, organizada polo departamento de Educación Física. Ao comezo da mañá o departamento de Lingua Castelá, en colaboración co departamento de Latín, organizou unha actividade de teatro moi divertida, Ahora mis mitos coa cal o alumnado de 3ºESO de cultura clásica e o alumnado de 1ºBACH de Literatura Universal puido disfrutar cunha peza de teatro á vez que aprendían sobre mitoloxía clásica.
Ao mesmo tempo, houbo unha actividade organizada polo departamento de Debuxo, dentro do programa de Fotografía en curso, e outra actividade no centro entorno aos Xogos Populares, organizada en colaboración polos departamentos de Educación Física e Lingua Galega.

O último día de clase, o día 21 de decembro, foi como de costume unha xornada festiva. Entramos algo máis tarde e organizaronse para o alumnado unha serie de actividades: proxectouse un corto por parte do Equipo de Normalización Lingüística, posteriormente o Equipo da Biblioteca proxectou unha película na Biblioteca do noso centro. Paralelamente o departamento de Educación Física organizou actividades deportivas mentres que o alumnado tamén interpretou unha serie de pezas nun concerto organizado polo departamento de Música. Os departamentos de Inglés e Orientación colaboraron organizando un Karaoke, así como o departamento de Debuxo, quen seguiu traballando co alumnado do proxecto de Fotografía en Curso. O departamento de Física e Química, en colaboración co de Administración, organizou unha actividade de Xadrez.
Finalmente acabamos todos bailando co DiscoAfonso, xusto antes de que os e as titoras nos entregasen as notas.

Mentres tanto, a ANPA Castelao organizou un reparto de doces de Nadal entre a nosa comunidade educativa. Desde aquí queremos agradecer a axuda e a colaboración que mantemos sempre cos pais e nais da ANPA do noso instituto para organizar estas xornadas festivas e animamos a todos os pais e nais que se sumen a colaborar coa ANPA do centro.

Feliz Nadal a toda a comunidade do Afonso X O Sabio!

Coloquio aberto sobre a violencia de xénero

O pasado día 8 de marzo ás 17 horas, tivo lugar, no salón de actos do Instituto, un coloquio aberto sobre a violencia de xénero. Contamos coa presenza de D. Miguel Filgueira Bouza, xuiz de violencia de xénero da da Coruña. Asistiu alumnado dos dous cursos de Bacharelato, de 4º da ESO e de FPB. O acto era dende o principio aberto ás intervencións do alumnado. Tivo moito interese a confirmación dende o aspecto xudicial de moitos dos elementos que se abordan sobre o tema, como son as dificultades de denunciar das vítimas, a pasividade das persoas coñecedoras, o inicio na adolescencia de condutas entre as parellas que propician posteriormente estes comportamentos. Constatamos co xuiz como un problema que parecía que ao abordalo abertamente dende varios ángulos- xudicial, policial, educativo, asistencial, etc- entraría en vías de  solución ou de minorización non está sendo así. Desafortunadamente estanse reproducindo condutas e valores favorecedoras desta violencia, e actuación da educación, sempre imprescindible, non é suficiente para cambiar esta situación.

Grazas a esta interesante proposta que ven da Comisión de Convivencia,  a iniciativa do grupo de traballo de convivencia que ten o noso instituto.