Crítica do I Encontro de coros escolares do IES Afonso X O Sabio

Onte, día 19 de febreiro, tivo lugar o I Encontro de coros escolares do IES Afonso X O Sabio, no centro Ágora (A Coruña). Para este evento, xuntáronse 200 estudantes dos coros dos institutos de IES Salvador de Madariaga (A Coruña), IES A Sardiñeira (A Coruña), IES Afonso X O Sabio (Cambre), IES Sofía Casanova (Ferrol), IES de Ortigueira (Ortigueira) e IES Antón Losada Diéguez (A Estrada). A actividade está realizada dentro do marco do proxecto Afonso a escena, co cal pretendemos favorecer a práctica das artes escénicas e mellorar a excelencia do noso alumnado a través dela.

Os coros escolares son actividades voluntarias que fan algúns docentes de música no seu tempo libre para poder desenvolver prácticas artísticas grupais, toda vez que fan que o alumnado adolescente teña unha relación máis sana co seu corpo e se favoreza o diálogo e a comunicación entre as persoas e se mellore a convivencia dos centros nos que se leva a cabo.

Os coros dos que disfrutamos onte son actividades abertas a todo o alumnado do seu centro, son inclusivos e participativos, xuntando estudantes e docentes e fomentando outro tipo de relacións cos centros que os desenvolven. En Galicia temos algúns dos mellores coros escolares de España e o concerto de onte, realizado grazas á colaboración do Concello da Coruña, do IES Salvador de Madariaga, do IES Afonso X O Sabio e do Centro Ágora, foi unha mostra do mesmo.

O Concerto rematou cunha peza dirixida polo director de coros José Antonio García Mato, a peza escollida foi un pequeno canon renacentista de Melchior Franck (ca. 1580-1639), chamada orixinalmente Da pacem domine, pero que neste caso fixo que todos os asistentes cantasen Sine musica nulla vita, frase atribuida a Nietzsche.

Cartel do concerto, realizado por Yupiyeyo

Coro do IES de Ortigueira. Director José Antonio García Mato:

Coro do IES Antón Losada Diéguez,. Directora Consuelo Millán:

Coro do IES Afonso X O Sabio. Director Rosa Rodríguez Rivas:

Coro do IES Salvador de Madariaga. Directora Irene Caeiro:

Coro do IES A Sardiñeira. Director Francisco Jordá:

Coro do IES Sofía Casanova. Directora Almudena Armada:

Todos xuntos montando a peza común. Director José Antonio García Mato do proxecto vocal Concerto Tempo:

E aquí unha mostra da canción final montada xusto no concerto, con público diante e cun ensaio duns poucos minutos... porque para o noso alumnado sen música non hai vida que mereza a pena ser vivida!!!

Concerto con De Vacas

O pasado mércores, día 1 de novembro, o alumnado de 3ºESO tivo a oportunidade de acudir ao Forum Metropolitano para unha charla e concerto co grupo galego De vacas

O obxectivo desta actividade foi que o alumnado coñecese grupos musicais actuais que desenvolven a súa actividade en galego, combatendo así os prexuízos que ligan o idioma unicamente á música tradicional, e dando desta forma una visión ampla e actual do mesmo. 

Algúns exemplos deste marabilloso grupo, famoso polas súas estupendas harmonías vocais, ademais do famoso Amodiño (que lle encanta a Luis Fonsi, o seu autor orixinal)

Single ladies, Taxi


Artigo de El País

XVII Festival de Teatro Grecolatino

   No marco do XVII Festival de Teatro Grecolatino, o pasado mércores 22 de marzo, os alumnos e as alumnas de 1º e 2º Bacharelato de Latín e Grego, acudiron á Coruña para asistir no Teatro Colón á representación da traxedia grega Medea de Eurípides.

   A compañía teatral “El Ruiseñor” da Coruña mostrou nesta obra a desmesura nos sentimentos de amor – desamor na figura de Medea ao ser repudiada polo seu esposo. 

Desde aquí agradecemos especialmente a organización do departamento de Latín e Grego porque o alumnado disfrutou moito desta forma de achegarse ao teatro clásico e á mitoloxía que estudan cotidianamente en clase.

Asistencia ao congreso LO QUE DE VERDAD IMPORTA

@s alumn@s de Bacharelato da materia de Relixión do IES Afonso X “O Sabio”, participaron no congreso que imparte a fundación LO QUE DE VERDAD IMPORTA o pasado día 16 de marzo, a cal, ten por fin promover o desenvolvemento e a difusión dos valores humanos, éticos e morais universais ao público en xeral, fundamentalmente mediante o desenvolvemento de actividades culturais.

Os relatores desta edición 2.016 na Coruña foron os seguintes:

CARMEN CORDÓN         Valores: Coraxe, Forza

Carmen é a filla maior da familia Cordón Muro, fundadora do Grupo Hospitalario Quirón e Previasa. Con 27 años, tras o tráxico secuestro do seu pai, Publio Cordón, en mans do G.R.A.P.O. negociou e lidou con terroristas intentando salvar a vida do seu pai, veu como o holding empresarial familiar  desfacíase en días e loitou contra a campaña que orquestrou o goberno de España para distraer á opinión pública sobre a verdade do secuestro. Paralelamente Carmen destacou como periodista, escritora e agora empresaria. En 2009 publicou o seu primeiro libro, coa Editorial Planeta, “Historia de un secuestro”.

LETICIA MARTÍNEZ ALCOCER     Valor: Superación

Leticia foi vítima de abuso sexual na adolescencia. O trauma acompañoulle e a condicionou durante anos, pero chegou un momento en que encontrou o xeito de afrontalo e superalo. A continuación, publicou o libro “Viaje al centro del corazón”, no que comparte ese proceso. A raíz da súa experiencia, traballa ademais para contribuír a desmontar o sistema que orixina a violencia contra as mulleres.

TOÑEJO RODRÍGUEZ     Valores: Enteireza, Superación

Antonio Rodríguez, Toñejo, parapléxico e deportista extremo. Aos dezaseis anos, empezou a súa carreira deportiva ata que un desafortunado accidente o retirou das motos, só temporalmente. A pesar de estar en cadeira de rodas, foi o primeiro español en pilotar un fórmula un do mar.