Celebración do día da muller

Para celebrar o mes da muller no IES Afonso X O Sabio desenvolvéronse diversas iniciativas. Por unha banda, alumnado de 3º e 4º de Fernanda Moltó (Debuxo) realizou un mural colaborativo. Ademáis, proxectáronse no vestíbulo varios cortos, expuxéronse en varios murais as infografías de mulleres científicas feitas polo alumnado e un  photocall coas mensaxes escritas polo alumnado. Paralelamente, repartíronse diversas propostas didácticas para realizarse nas aulas ordinarias.

Ao mesmo tempo, o equipo de programas europeos do centro realizou diversas iniciativas conmemorativas dentro do proxecto de educación para a igualdade STAGE, entre as que destacan a realización de dúas curtametraxes (1 e 2) sobre a temática, unha exposición sobre a muller no deporte e un encontro con exalumnado do centro para debater sobre a escolla de carreiras profesionais e a súa relación co xénero.

Asistencia á Biblioteca Municipal Xabier P. Docampo

E co novo curso chegan de novo actividades para a nosa rapazada. Neste caso, o alumnado de 1ºESO B asistiu hoxe a unha actividade de contacontos que invitaba á reflexión arredor da existencia de condutas micromachistas e que se realizou na Biblioteca Municipal Xabier P. Docampo da Barcala. As rapazas e os rapaces entenderon o significado da palabra “feminismo” ou “machismo” e analizaron a pegada da violencia de xénero en distintas épocas. Tampouco faltou o tempo para que se asombrasen cando lles explicaron os cinco ríxidos pasos que existían para “ligar” antigamente nin para que escoitasen atentos e atentas un dos poucos contos populares nos que a presenza feminina é notoria.

Foi, sen lugar a dúbidas, unha fantástica xornada na biblioteca da Barcala, moitas grazas!