Celebración da fin de curso no IES Afonso X O Sabio

Onte tiveron lugar os festexos para clausurar o curso escolar. Este curso, como cada ano, o alumnado puido disfrutar de actividades deportivas, así como de elaborar o tradicional ramo de San Xoán organizado polo ENL pero tamén puideron verse actuacións musicais realizadas polos distintos grupos de música do centro e polo obradoiro de pandeireta pero, sobre todo, acabamos o día cunha actuación moi especial. Repetimos novamente a canción dos Cacharros, esta vez interpretada por todo o alumnado do centro. ¡Noraboa!

Para rematar a xornada, tivo lugar a graduación do alumnado de 4ºESO e FPB, a quenes despedimos con moito cariño.

Actividade literaria con Cándido Pazó

 

Hoxe o IES Afonso X O Sabio organizou unha charla para todo o alumnado de 1º de Bacharelato cun dos máis recoñecidos dramaturgos galegos, Cándido Pazó. Neste caso a actividade estivo subvencionada polo Ministerio de Educación, dentro do programa Por qué leer a los clásicos? e versou sobre os xéneros literarios e, en concreto, sobre La tribuna de Emilia Pardo Bazán, a quen rendimos unha pequena homenaxe no ano do seu centenario. Por mor das restriccións da pandemia a actividade realizouse en dúas quendas, para que así puidese asistir todo o alumnado do curso. Desde aquí esperamos que sirva para reflexionar sobre as aportacións da gran escritora Emilia Pardo Bazán, de como escribiu sobre o noso entorno, das personaxes femininas e, tamén, de como se pode trasladar a narrativa ao teatro.

A actividade estivo organizada polo Equipo de Normalización Lingüística e vicedirección, coa colaboración dos departamentos de Lingua Galega e Castelá. Grazas a todos e a todas por asistir e colaborar.

Concerto de Blues do país

 Onte, luns 21 de decembro alumnado de 2º ESO puido disfrutar dun conerto do grupo Blues do país, dúo procedente do rural ourensano que actualiza o blues tradicional pasándoo pola nosa lingua.

Cartel do concerto:

A actividade estivo subvencionada polo Concello de Cambre.

Concurso de microrelatos de medo!!

 

O Equipo de Dinamización de Lingua Galega organizou, para celebrar este Samaín, un Concurso de microrelatos.

As premiadas e premiados resultaron ser:

Categoría 1º ciclo da ESO

1º premio: Andrea Castro Garrido (2ºB)

2º premio: Ariana Asorey Rei (1ºB)

Categoría 2º ciclo da ESO

1º premio: Mencía Arias (3ºESO A)

2º premio: Julia Casal Rey (4ºESO A)

Categoría Bacharelato

1º Premio: Gabriela Ces Lozano (2ºBACH D)

2º premio: Lena Fachal Alonso (1ºBACH B)

O acto de entrega realizouse o pasado luns 9 de novembro, a cargo da Directora Belén Vidal Marcote e a coordinadora do EDLG Mar Hermida, mentres que estiveron dinamizando a gala Natalia Naya e Carolina Lamas (2ºESO A) (CURSO)

Para máis información da entrega de premios e os textos premiados.

Festa final do proxecto 21 DÍAS EN GALEGO... E MÁIS

O pasado luns, día 3 de febreiro, celebramos a festa final dos 21 días en Galego e máis, e tivemos a sorte de ter de invitados á Coordinadora do programa, ao Secretario Xeral de Política Lingüística e ao Director de Educación, FP e Innovación Educativa.

A nosa celebración consistiu en dúas fases: por unha banda fixemos un acto protocolario, enmarcando con dúas actuacións musicais organizadas polo departamento de Galego e de Música, de benvida e peche, coa colaboración do alumnado do ENL e do Coro do centro e para rematar un concerto de Uxía, que cantou con todo o alumnado da ESO do noso centro.

A noticia foi moi seguida nos medios de comunicación, aparecendo no informativo territorial de TVE1
Aquí temos un vídeo de todo o noso alumnado da ESO cantando con Uxía Senlle.
E velaquí unha mostra do traballo realizado. Aquí podemos seguir todas as actividades realizadas no blog do Equipo de Normalización de Lingua Galega.

Moitas grazas por tanto traballo e tan ben feito.

Novo blog de visibilización de Normalización Lingüística

As nosas compañeiras do Equipo de Normalización e Dinamización Lingüística veñen de abrir un novo blog, que visibilizará as actividades que realizan no noso centro educativo.

Desde aquí toda a nosa noraboa, apoio e total visibilización. Parabéns!

A fiestra do Afonso

Proxecto sobre a ruta do Camiño dos Faros

A través deste proxecto, o alumnado tiña que elaborar por grupos unha guía sobre cada unha das etapas do Camiño dos Faros (son 8 etapas) que percorre a costa desde Malpica até Fisterra. Ademas da guía da viaxe tiñan que facer a maqueta dun faro. Como remate do proxecto iamos facer un anaco da ruta desde o Cemiterio dos Ingleses até cabo Vilán. Choveu moito e tivemos que cambiar a excursión para visitar o MELGA (museo etnolúdico de Galicia) que está en Ponteceso  e despois tamén tivemos que cambiar os plans, a pesares de que iamos comer en punta Nariga como chovía moito non puidemos.