Os pasados 10 de maio e 22 de abril, o alumnado participante no club de lectura fixeron dúas actividades no CEIP Torrente Ballester de Sigrás. As actividades estaban enfocadas ao alumnado de infantil e primaria e contaron coa participación dunhas cuarenta rapazas do IES Afonso X O Sabio.
A actividade que tivo lugar o día 22 de abril foi para o alumnado de infantil. Nese día as nosas alumnas presentaron a figura de Manuel María. Ademais, leron e explicaron de xeito individual unha serie de poemas sinxelos, usando carteis elaborados polo alumnado de 1ºBACH e 4ºESO. Tamén realizaron máscaras, escoitaron cancións de Manuel María e cantaron "A vaca", con retrouso en lingua de signos. Por último, entregáronse unha serie de rosas de papel elaboradas polo alumnado de 1ºESO.
A actividade que tivo lugar o día 10 de maio foi destinada ao alumnado de primaria de 2º e 4º de primaria. Neste día realizouse unha presentación en power point da figura de Manuel María. Formáronse pequenos grupos que leron varios poemas, axudándose para a súa comprensión de carteis elaborados polo alumnado de 1ºBACH e 4ºESO. Posteriormente realizouse unha actividade colectiva enfocada ao traballo poético consistente na realización dun mural dos soños, encher espazos en poemas onde faltaban palabras escoitando as cancións. Tamén cantaron e recitaron algunhas cancións e, para finalizar, acabaron a actividade co regalo de rosas de papel realizadas polo alumnado de 1ºESO.
Para máis información, enlace ao blog do Club de lectura Libros abertos
0 comentarios:
Publicar un comentario